Nant’à a so strada metrica, u trinighellu traversa piane è muntagne in « cuntrasti forti induve i più belli paisaghji di u mondu si scontranu senza mai mischjassi ».
Partendu da Bastia, u trenu serpeghja appiccicatu à e parete rucciose, traversa parechje muntagne, qualchì volta sottu terra per parechji chilometri, franca fiumicelli è passa vicinu à u « Voile de la Mariée », magnifica cascata chì supraneghja a ligna. Accumpagna u fiume sin’à l’atmusfera trupicale di u golfu d’Aiacciu. Curagiosu, ùn teme nè timpeste, nè neve, nè ghjacciu è affronta rampe di 30 mm/m.
Nant’à a ligna di Balagna, u paisaghju hè più pitturescu : u trenu passa da una gola à l’altra in a valle diserta di a Navaccia.
Trà l’Isula Rossa è Calvi, u trenu di e marine longheghja u mare, passendu da cale à capi è servendu marine è campeghji.
Stu cuntenutu si apre nant’à Google Maps. Nisuna cunnessione à stu serviziu hè fatta prima ch’è vo seguitiate u ligame.
Apre nant’à Google Maps (nova linguetta)Infurmazioni tecniche
A ligna centrale Bastia–Aiacciu (lunghezza : 157,4 km) principia à a gara di Bastia (puntu chilometricu 0). Passa per e gare di Furiani (PK 5,8), Biguglia (KM 9,6), Casamozza (PK 21), Barchetta (PK 29,6), Ponte-Novu (PK 39,1), Ponte-Leccia (PK 46,7), Francardo (PK 54,6), Corte (PK 73,8), Venaco (PK 85,1), Vivario (PK 95,9), Vizzavona (PK 106,7), Bocognano (PK 116,3) è Mezzana (PK 144,9), prima di ghjunghje à u capuligna d’Aiacciu (PK 157,4).
A ligna di Balagna : Ponte-Leccia–Calvi (lunghezza : 73,2 km) principia in Ponte-Leccia (PK 46,7) è ghjunghje in Calvi (PK 119,9), passendu per l’Isula Rossa (PK 98,1).
A ligna di a costa urientale : Casamozza–Porto-Vecchio (lunghezza : 129,9 km), chjosa definitivamente dopu à a Siconda Guerra Mundiale, principiava à a gara di bifurcazione di Casamozza (PK 21) è ghjunghjia in Porto-Vecchio (PK 150,9), passendu per Arena-Vescovato (PK 24,2), Follelli-Orezza (PK 31,9), Padullella (PK 40,3), Prunette-Cervione (PK 46,8), Alistro (PK 53,7), Bravone (PK 59), Tallone (PK 67,6), Aléria (PK 73,2), Puzzichello (PK 78,9), Ghisonaccia (PK 85,3), Prunelli-Pietrapola (PK 91,7), Gavone (PK 97,3), Travo (PK 102,8), Solaro (PK 105,6), Solenzara (PK 109,9), Favona-Conca (PK 120,7), Figa (PK 126,3), Ste-Lucie (PK 134,4) è Lecci (PK 135,1).