Quandu seranu dispunibuli l’orarii di u prossimu serviziu?
L’orarii sò in generale dispunibuli 10 ghjorni prima di ogni novu serviziu.Ci vole à riservà nanzu?
E riservazioni si facenu solu per i gruppi di 10 persone o più ind’è u serviziu cummerciale di U Caminu di Ferru di a Corsica. Per l’altri viaghjadori, i biglietti si compranu u ghjornu di a partenza.Possu cumprà i biglietti à bordu di i treni?
I biglietti di trenu si ponu cumprà in gara o à bordu, fora di i cuponi periurbani chì si compranu solu in gara.E bissiclette, i kayak è e tavule à vela sò accettati in trenu?
E bissiclette sò accettate s’elle sò smuntate, piegate è messe in una custodia di trasportu (120 x 90 cm à u massimu). Ci vole à pagà i 15 € di trasportu à u mumentu di cumprà u bigliettu.
I kayak è e tavule à vela ùn sò micca accettati à bordu di i treni.
L’animali di cumpagnia sò accettati à bordu di i treni?
I cani di 1a è di 2a categuria ùn sò micca accettati à bordu di i treni. L’altri cani devenu purtà una musarola per tuttu u viaghju è i so patroni devenu cumprà un bigliettu à mezu tariffu. L’animali chjuchi ponu viaghjà di gratisi in un cuntinitore.Ci sò depositi di bagagli in e gare?
I depositi di bagagli sò dispunibuli à i sportelli di e gare, à u tariffu di 5 € per depositu è per ghjornu. Attenti: quandu u pianu Vigipirate hè attivatu, nisun depositu hè accettatu.Chì sò e fermate più vicine à l’aeroporti di Corsica?
A fermata più vicina à l’aeroportu di Bastia Poretta hè Lucciana, à circa 3,3 km. A gara di Casamozza hè à circa 5,8 km da l’aeroportu. Una navetta permette d’andà à a gara di Bastia; più infurmazioni à u 04 95 31 06 65.
A fermata più vicina à l’aeroportu di Campu di l’Oru hè u Ricantu, à 2 km. Una navetta gara–aeroportu circula ogni ora da 5 ore à 10 ore, ogni mez’ora da 10 ore à 20 ore, po ogni ora da 20 ore à 23 ore. Più infurmazioni quì.
E fermate più vicine à l’aeroportu di Calvi Santa Catalina sò Calvi L’Alzeta Suprana (4 km) è U Ponte Bambinu (4,5 km). U tassì per andà à a gara di Calvi costa circa 20 €.
I treni anu cabinetti?
Tutti i treni anu cabinetti. L’AMG anu cabinetti adatti à e persone à mubilità ridutta.Si pò piantà in una gara è piglià un trenu dopu?
Si pò piantà in una gara, visità a cità è piglià un trenu dopu per ghjunghje à destinazione (fora di i servizii periurbani di Bastia, d’Aiacciu è di a Balagna).