Abbunamentu sculare

L'abbunamentu sculare pè i cullegente è i liceani, permette di circulà durante un mese (esempiu: da u 5 di u mese currente à u 4 di u mese secondu), da u so locu di residenza à a gara a pìu vicina di a scola.

Per ottene u so abbunamentu sculare, u sculare duverà avè una carta d'abbunatu, stabilita gratuitamente da i Camini di Ferru di a Corsica. Per acquistà sta carta, u sculare duverà cumpletà a so dumanda di carta disponibile, sìa in una gara di a reta o sìa pè u ligame sottu, furnisce un certificatu di scularità è una fotugrafia d'identità . U dumandadore duverà riturnà a so dumanda cumpleta in una gara di a so scelta. A carta serà disponibile in e 72 ore in a listessa gara.

In pusessione di sta carta, l'abbunatu duverà pagà u muntante di u so abbunamentu currispondante à u traghjettu à fà (guardà u prezzu sottu).

Chere u schedariu

Tariffu di l'abbunamentu sculare

L'abbunamentu sculare hè calculatu in funzione di u numeru di zone chì avete à passà (vede sottu a divisione di e zone).

  • PTU di Bastia (Bastia - Biguglia) : 30 €
  • 1 zona (fora di u PTU di Bastia) : 42 €
  • 2 zone è più : 65 €

Esempiu : Se a vostra scola hè in Bastia è u vostru locu di residenza in Lucciana, u prezzu serà di 42 € (1 zona), se campate in Vivariu è andate à a scola in Aiacciu, u vostru tariffu serà di 65 € (2 zone).

30 € per mese
  • Bastia    Bigiglia
42 € per mese
  • Bastia    Ponte Leccia
  • Ponte Leccia    Tattone
  • Ponte Leccia    Calvi
  • Ajaccio    Tattone
65 € per mese
  • Bastia    Tattone
  • Bastia    Ajaccio
  • Bastia    Calvi
  • Calvi    Tattone
  • Ajaccio    Calvi

Abbunamentu di travagliu

L'abbunamentu di travagliu vi permette di circulà durante un mese (esempiu: da u 5 di u mese currente à u 4 di u mese secondu), da u so locu di residenza à a gara a pìu vicina di u so travagliu.

Per ottene u so abbunamentu di travagliu, u cliente duverà avè una carta d'abbunatu (valevule per un annu), stabilita gratuitamente da i Camini di Ferru di a Corsica. Per acquistà sta carta, "u travagliadore" duverà cumpletà a so dumanda di carta disponibile, sìa in una gara di a reta o sìa pè u ligame sottu, furnisce un certificatu di travagliu stabilitu da u so patrone è una fotugrafia d'identità . U dumandadore duverà riturnà a so dumanda cumpleta in una gara di a so scelta. A carta serà disponibile in e 72 ore in a listessa gara.

In pusessione di sta carta, l'abbunatu duverà pagà u muntante di u so abbunamentu currispondante à u traghjettu à fà (guardà u prezzu sottu).

Chere u schedariu

Tariffu di l'abunnamentu di travagliu

L'abbunamentu di travagliu hè calculatu in funzione di u numeru di zone chì avete à passà (vede sottu a divisione di e zone).

  • PTU di Bastia (Bastia - Biguglia) : 40 €
  • 1 zona (fora di u PTU di Bastia) : 55 €
  • 2 zone è più : 86 €

Esempiu : Sè u vostru locu di residenza hè in U Borgu è travagliate in Bastia, u prezzu serà di 55 € (1 zona), sè vo campate in Corti è travaglite in Aiacciu, u vostru tariffu serà di 86 € (2 zone).

40 € per mese
  • Bastia    Bigiglia
55 € per mese
  • Bastia    U Ponte à a Leccia
  • U Ponte à a Leccia    Tattò
  • U Ponte à a Leccia    Calvi
  • Aiacciu    Tattò
86 € per mese
  • Bastia    Tattò
  • Bastia    Aiacciu
  • Bastia    Calvi
  • Calvi     Tattò
  • Aiacciu    Calvi

Carta studientina

A carta studientina hè per i studienti di l'Università di a Corsica, è ancu quelli chì sò inscritti in una scola di studii superiori (BTS, DUT, License, etc.). Hè finanzata da a Cullettività di Corsica, è offre u trasportu gratisi trà a casa di u studiente è a gara a pìu vicina di a scola.

Per ottene a carta studientina, u studiente deve cumplettà a so dumanda, sìa in una gara di a reta o sìa pè u ligame sottu, furnisce un certificatu stabilitu da l'Università di Corsica o da a scola di studii superiori, un avvinghjitoghju stampatu è una fotugrafia d'identità.

U studiente deve rinvià a so dumanda cumpleta à a direzzione di u Caminu di Ferru di Corsica o à una gara di a so scelta. A carta, stabilita in scambiu d'un pagamentu di 20 €, hè valevule da u primu di settembre à u 30 di ghjugnu di l'annu universitariu.

Chere u schedariu

Carta di u Cunsigliu Generale di u Cismonte

I liceani cù a carta sculare stabilita pé u Cunsigliu Generale di u Cismonte, prufittanu da u trasportu gratisi nant'à u traghjettu casa / scola.

Sta gratuita hè valevule unicamente da u luni à u venneri, eccettu i ghjorni festivi è durante è vacanze sculare. Mancuna riduzzione ùn hé accettata durante questa listessa periuda.

Sta carta hé valevule unicamente nant'à u suburbanu di Bastia.

Solu u Cunsigliu Generale di u Cismonte hé abilitatu à stabilisce sta carta sculare gratisi.


Carta SNAA

I viaghjadori cù à carta stabilita pè a CAPA prufittanu da u trasportu gratisi trà a gara di Mezana è a gara d'Aiacciu è inversamente.

Questa gratuita hé valevule da u luni a u venneri acchjusu, eccettu i ghjorni festivi è u mese d'aostu.