Rinascita di a via ferrata in Piaghja : una partenza difficiule
U sognu di l’eletti hè di ritruvà l’anziana linea sin’à Porto-Vecchio. Ma a reunione di travagliu tenuta eri in Vescovato cù i merri hà mustratu tutte e difficultà per ghjunghje da Casamozza à Folelli.

Sei anni : eccu, à l’ingrossu, a durata di u viaghju in trenu trà Casamozza è Folelli. Pò parè un pocu longu, ma purtà à bon portu — o piuttostu à bon marciapede — u prugettu di rinascita di a via ferrata in Piaghja urientale hè un veru percorsu d’ostaculi, più tecnicu è ghjuridicu chè puliticu.