Abbunamentu sculare
L'abbunamentu sculare pè i cullegente è i liceani, permette di circulà durante un mese (esempiu: da u 5 di u mese currente à u 4 di u mese secondu), da u so locu di residenza à a gara a pìu vicina di a scola.
Per ottene u so abbunamentu sculare, u sculare duverà avè una carta d'abbunatu, stabilita gratuitamente da i Camini di Ferru di a Corsica. Per acquistà sta carta, u sculare duverà cumpletà a so dumanda di carta pè u ligame sottu.
In pusessione di sta carta, l'abbunatu duverà pagà u muntante di u so abbunamentu currispondante à u traghjettu à fà (guardà u prezzu sottu).
Riempia a dumanda di carta di trasportuTariffu di l'abbunamentu sculare
L'abbunamentu sculare hè calculatu in funzione di u numeru di zone chì avete à passà (vede sottu a divisione di e zone).
- PTU di Bastia (Bastia - Biguglia) : 30 €
- 1 zona (fora di u PTU di Bastia) : 42 €
- 2 zone è più : 65 €
Esempiu : Se a vostra scola hè in Bastia è u vostru locu di residenza in Lucciana, u prezzu serà di 42 € (1 zona), se campate in Vivariu è andate à a scola in Aiacciu, u vostru tariffu serà di 65 € (2 zone).
Abbunamentu di travagliu
L'abbunamentu di travagliu vi permette di circulà durante un mese (esempiu: da u 5 di u mese currente à u 4 di u mese secondu), da u so locu di residenza à a gara a pìu vicina di u so travagliu.
Per ottene u so abbunamentu di travagliu, u cliente duverà avè una carta d'abbunatu (valevule per un annu), stabilita gratuitamente da i Camini di Ferru di a Corsica. Per acquistà sta carta, "u travagliadore" duverà cumpletà a so dumanda di carta pè u ligame sottu.
In pusessione di sta carta, l'abbunatu duverà pagà u muntante di u so abbunamentu currispondante à u traghjettu à fà (guardà u prezzu sottu).
Riempia a dumanda di carta di trasportuTariffu di l'abunnamentu di travagliu
L'abbunamentu di travagliu hè calculatu in funzione di u numeru di zone chì avete à passà (vede sottu a divisione di e zone).
- PTU di Bastia (Bastia - Biguglia) : 40 €
- 1 zona (fora di u PTU di Bastia) : 55 €
- 2 zone è più : 86 €
Esempiu : Sè u vostru locu di residenza hè in U Borgu è travagliate in Bastia, u prezzu serà di 55 € (1 zona), sè vo campate in Corti è travaglite in Aiacciu, u vostru tariffu serà di 86 € (2 zone).
Carta studientina
A carta studientina hè per i liceani residente in internatu, i studienti titulari di u baccalureatu (o equivalente) inscritti in una scola di studii superiori (in iniziale o in amparera) è per i lavuranti (CAP, BEP, ...). Hè finanzata da a Cullettività di Corsica, è offre u trasportu gratisi trà a casa di u studiente è a gara a pìu vicina di a scola.
Per ottene a carta studientina, u studiente deve cumplettà a so dumanda pè u ligame sottu è pagà e spese di cartulare (20 €).
A carta, stabilita hè valevule da u primu di settembre à u 7 di lugliu di l'annu universitariu.
Spese di cartulare : 20€
Riempia a dumanda di carta di trasportuCarta di u Cunsigliu Generale di u Cismonte
I liceani cù a carta sculare stabilita pé u Cunsigliu Generale di u Cismonte, prufittanu da u trasportu gratisi nant'à u traghjettu casa / scola.
Sta gratuita hè valevule unicamente da u luni à u venneri, eccettu i ghjorni festivi è durante è vacanze sculare. Mancuna riduzzione ùn hé accettata durante questa listessa periuda.
Sta carta hé valevule unicamente nant'à u suburbanu di Bastia.
Solu u Cunsigliu Generale di u Cismonte hé abilitatu à stabilisce sta carta sculare gratisi.
Carta SNAA
I viaghjadori cù à carta stabilita pè a CAPA prufittanu da u trasportu gratisi trà a gara di Mezana è a gara d'Aiacciu è inversamente.
Questa gratuita hé valevule da u luni a u venneri acchjusu, eccettu i ghjorni festivi è u mese d'aostu.